اونتی پورہ: فوجی جوان نے کی خودکشی

جنوبی کشمیر کے راجپورہ اونتی پورہ میں کیمپ کے اندر ایک فوجی جوان نے مبینہ طور پر اپنے آپ کو گولی مار کر خود کشی کرلی۔

جموں و کشمیر کے گرمائی دارالحکومت سرینگر سے 40 کلومیٹر دور راجپورہ اونتی پورہ میں کیمپ کے اندر ایک فوجی جوان نے مبینہ طور پر اپنے آپ کو گولی مار کر خود کشی کرلی۔

سرکاری ذرائع نے بتایا کہ راجپورہ اونتی پورہ میں فوج کے 42 آر آر کیمپ کے اندر ایک اہلکار جس کی شناخت سپوئے اسٹیفن کے بطور ہوئی ہے نے مبینہ طور پر خود کو اپنی سروس رائفل سے گولی مار کر خودکشی کی ہے۔

اونتی پورہ پولیس اسٹیشن اس واقعے کی نسبت کیس درج کر کے تحقیقات شروع کر دی گئی ہے۔ پولیس کا کہنا کہ ابھی اس بات کا پتہ نہیں چلا ہے کہ آخر فوجی اہلکار نے یہ انتہائی قدم کیوں اٹھایا۔