اننت ناگ میں آنگن واڑی ورکرز اور ہیلپرس کا احتجاج

آنگن واڑی ورکرز کا کہنا ہے کہ کووڈ میں ڈیوٹی کے باوجود بھی انہیں ضروری کٹ بھی فراہم نہیں کئے جاتے ہیں جسکی وجہ سے انکی جانوں کو بھی خطرہ لاحق ہوا ہے۔

آنگن واڑی ورکرز اور ہیلپرس ایسوسیشن نے آئی سی ڈی ایس کے تحت کام کر رہی ہیلپرس اور ورکرز کے جائز مطالبات پورا نہ کرنے پر اننت ناگ میں حکومت مخالف احتجاجی مظاہرہ کیا۔

مظاہرین نے نعرہ بازی کرتے ہوئے حکومت پر انکا استحصال جاری رکھنے کا الزام لگایا۔

احتجاج کر رہی خواتین کے مطابق انہیں گزشتہ لمبے عرصے سے وضیفہ سے محروم رکھا جا رہا ہے۔ جسکی وجہ سے وہ مختلف مسائل سے دوچار ہوئی ہیں ۔ انکا کہنا ہے کہ کووڈ میں ڈیوٹی کے باوجود بھی انہیں ضروری کٹ بھی فراہم نہیں کئے جاتے ہیں جسکی وجہ سے انکی جانوں کو بھی خطرہ لاحق ہوا ہے۔احتجاجیوں نے گورنر انتظامیہ سے اپیل کرتے ہوئے کہا اگر انکے مطالبات کو جلد از جلد حل نہیں کیا گیا تو آنے والے وقت میں احتجاج سنگین نوعیت کا ہو گا۔