اننت ناگ: اقبال کالونی میں تین ہفتوں سے بجلی ندارد

مرکز کے زیر انتظام خطہ جموں و کشمیر کے ضلع اننت ناگ کی اقبال کالونی میں ٹرانسفارمر خراب ہونے کے باعث گذشتہ تین ہفتوں سے بجلی نہ ہونے سے لوگ پریشان ہیں اور انتظامیہ سے بجلی بحال کرنے کا مطالبہ کر رہے ہیں۔

مرکز کے زیر انتظام خطہ جموں و کشمیر کے ضلع اننت ناگ کی اقبال کالونی میں گذشتہ تین ہفتوں سے ٹرانسفارمر خراب ہے۔ کالونی کے لوگ بجلی نہ ہونے سے پریشان ہیں۔

مذکورہ کالونی کے لوگوں نے ٹرانسفارمر کی مرمت نہ کرنے پرمحکمہ بجلی کے افسران اور عملہ کے خلاف احتجاج کیا۔

احتجاجیوں کا کہنا ہے کہ بجلی نہ ہونے کے سبب لوگوں کو مشکلات کا سامنا کرنا پڑرہا ہے ۔

انہوں نے مزید کہا کہ حکام نے متعدد دفعہ بجلی بحال کرنے کی یقین دہانی کرائی، مگر آج تک وہ بجلی سے محروم ہیں۔