کورونا وائرس کے پھیلاؤ کو روکنے کے لیے اننت ناگ ضلع انتظامیہ کی جانب سے احتیاطی طور سخت پابندیاں عائد کی گئیں ہیں۔
انتظامیہ کی جانب سے کھنہ بل ڈاک بنگلو ، مٹن کے پی روڈ، دیالگام، اشاجی پورہ گانجی واڈہ اور دیگر مقامات پر سخت بندشیں قائم کی گئی۔
اس دوران ٹرانسپورٹ کو قصبہ کے اندر جانے کی اجازت نہیں دی گئی، ان مقامات پر پولیس عملہ کی بھاری نفری کو بھی تعینات کیا گیا۔
دوسری جانب قصبہ اننت ناگ کے اندر تمام دکانیں کاروباری و تعلیمی مراکز بند رہے۔
وہیں پولیس کی جانب سے کہا جارہا تھا کہ حکم نامے کی خلاف ورزی کرنے والے افراد کے خلاف کاروائی کی جائے گی، مزید پولیس عوام کو بھیڑ جمع نہ کرنے کی ہدایت دیتے ہوئے دیکھے گئے۔
