Militant Associate Arrested اننت ناگ میں عسکریت پسند کے ساتھی کو گرفتار کرنے کا دعویٰ

اننت ناگ پولیس اور سکیورٹی فورسز کی مشترکہ کارروائی میں عسکریت پسندوں کے ایک ساتھی کو گرفتار کر کے اس کے قبضے سے اسلحہ اور گولہ بارود برآمد کا دعویٰ کیا ہے۔ Militant Associate Arrested

اننت ناگ:جموں و کشمیر کے ضلع اننت ناگ میں پولیس اور سکیورٹی فورسز نے عسکریت پسند کے ساتھی کو گرفتار کرنے کا دعویٰ کیا ہے۔ پولیس نے بتایا کہ گرفتار شخص کے قبضے سے غیر قانونی ہتھیار بھی برآمد کیے گئے ہیں۔ Anantnag Police Arrests Militant Associate

تفصیلات کے مطابق اننت ناگ پولیس کو خُفیہ ذرائع سے عسکریت پسند کے ساتھی کی نقل و حرکت سے متعلق اطلاع ملی اور اسی بنیاد پر اننت ناگ پولیس اور 3 راشٹریہ رائفلز کی پارٹی نے ہٹمورا سنڈوز کراسنگ پر ایک ناکہ لگایا۔ اسی دوران ایک مشتبہ شخص چک حسن آباد سے ناکہ پارٹی کی طرف آیا۔ ناکہ پارٹی کو دیکھ کر اس شخص نے فرار ہونے کی کوشش کی لیکن پولیس نے اسے گرفتار کر لیا۔

تلاشی لینے پر اس شخص کے قبضے سے ایک پستول، ایک میگزین اور چھ زندہ کارتوس برآمد ہوئے جنہیں ٹارگٹ کلنگ کے لیے استعمال کرنے کا منصوبہ تھا۔ گرفتار شخص کی شناخت فضیل احمد وگے ولد مشتاق احمد وگے ساکن چک حسن آباد ہٹمورہ اننت ناگ کے طور پر ہوئی ہے۔

اس سلسلے میں ایف آئی آر نمبر 78/2022 U/S 7/25 آرمز ایکٹ 16,18,39 UAPA کے تحت تھانہ مٹن، اننت ناگ میں مقدمہ درج کیا گیا اور مزید تفتیش جاری ہے۔