اننت ناگ: آنگن واڑی ورکرز اور ہیلپرس نے ایل جی انتظامیہ کے خلاف احتجاج کیا

اننت ناگ میں آنگن واڑی ورکرز اور ہیلپرس یونین نے ایل جی انتظامیہ کے خلاف احتجاجی مظاہرہ کیا ہے۔ مظاہرین نے نعرہ بازی کرتے ہوئے ان کے بقایہ جات کو جلد از جلد ادا کرنے کا مطالبہ کیا ہے۔

جموں و کشمیر کے ضلع اننت ناگ میں آنگن واڑی ورکرز اور ہیلپرس یونین نے حکومت اور ایل جی انتظامیہ کے خلاف احتجاجی مظاہرہ کیا۔ آنگن واڑی ورکرز نے حکومت سے ان کے بقایہ جات جلد از جلد واگزار کرنے کا مطالبہ کیا ہے۔

آنگن واڑی ورکرز کا کہنا ہے کہ سرکار کی جانب سے ان کے مطالبات منظور نہیں کیے جانے کی وجہ سے انہیں طرح طرح کے مشکلات سے دو چار ہونا پڑ رہا ہے۔

احتجاجیوں نے مزید کہا کہ سرکار ان کو فاقہ کشی کرنے پر مجبور کر رہی ہے۔ لہذا ان کی حکومت سے مطالبہ ہے کہ ملک کے دیگر ریاستوں کی طرح یوٹی کشمیر میں بھی ان کی تنخواہوں میں اضافہ کیا جائے اور وقت پر ان کی ادائیگی ہو۔

انہوں نے حکومت سے یہ بھی دعوی کیا ہے کہ اگر حکومت ان کے مطالبات کو پورا نہیں کرتی ہے تو ان کا یہ احتجاجی مظاہرہ جاری رہے گا۔