ریاست ہریانہ کے ضلع نوح میوات کے پونہانہ قصبے میں دو پڑوسیوں کے آپسی جھگڑے میں صلح کی پیش رفت تیز ہو گئی ہیں۔
سیاسی اور سماجی رہنماؤں کا ملاقاتوں کا دور جاری ہے۔ در اصل گزشتہ ہفتہ 12 مئی کو دو پڑوسیوں کے مابین جھگڑے نے اس قدر طول پکڑا کہ وہ فرقہ وارانہ شکل اختیار کر گیا حالات کشیدہ ہوگئے اور پولس انتظامیہ الرٹ ہو گئی۔
پونہانہ فرقہ وارانہ کشیدگی میں صلح کی پیش رفت۔ ویڈیو اگلے دن بھی حالات بگڑنے کی خبریں آئیں جس کے بعد ایس پی نوح اور ڈی سی نوح میوات نے علاقہ کی سرکردہ شخصیات سے میٹنگ کر آپس میں اسے سلجھانے کی اپیل کی۔
ذرائع کے مطابق اس تعلق سے اگلے روز ایک پنچایت ہونی تھی لیکن کسی وجوہات کے سبب پنچایت نہیں ہو سکی۔اب اس معاملے کے دوسرے فریق کے ذمہ داروں نے رادھے نمبر دار کے گھر پر میٹنگ کر آپسی گلے شکوے دور کرنے کی باتیں کیں ہیں۔
اس معاملے میں علاقے کے سیاسی رہنما چودھری اعجاز خان، حاجی اختر کاٹپوری اور بی جے پی کی پونہانہ سے امیدوار رہی نوکچھم چودھری نے صلح کو تیز کرنے کی کوشش کی ہے۔
اسی معاملے کو لےکر پچھلے دو دنوں میں میں علاقے کے سماجی رہنما اور دانشوران کا ایک وفد قصبے کا دورہ کرچکا ہے۔اور مختلف لوگوں سے ملاقات کر چکا ہے۔
وفد میں ایڈوکیٹ رمضان چوہدری، ایڈوکیٹ طاہر حسین دیولا، جمعیت علماء سے مولانا صابر حسین قاسمی، تعلیم ایڈوکیٹ، ارشاد چیئرمین شامل تھے۔
