آندھراپردیش میں کشتی سانحہ

آندھراپردیش کی دریائے گوداوری میں کشتی کے الٹ جانے کے واقعہ میں مرنے والوں کی تعداد 16ہوگئی ہے کیونکہ لاشیں ایک کے بعد دیگر نکالی جارہی ہیں۔

دھولیشورم کاٹن بیریج کے قریب دو لاشیں برآمد ہوئیں۔مغربی گوداوری ضلع کے پولاورم منڈل کے کوتہ پٹی سیما علاقہ کے قریب سے ایک اور لاش نکالی گئی۔لاش کے جیب سے ملے کاغذات سے پولیس نے اس بات کا پتہ چلایا کہ اس کا تعلق حیدرآباد کے مادھاپور سے ہے اور اس کا نام سائی کمار ہے۔

پولاورم کی ریت میں منگل کے روز ایک لاش پائی گئی تھی۔کچولورو،کافور ڈیم کے قریب بھی ایک لاش پائی گئی تھی۔تاڑلہ پاڈی کے قریب ایک، دھولیشورم کے قریب ایک اور لاش ملی۔دھولیشورم کی 17ویں نمبرکی گیٹ کے قریب پائی گئی لاش کی شناخت عہدیداروں نے کشتی سانحہ میں ہلاک شخص کے طورپر کی ہے۔لاش کو پوسٹ مارٹم کے لئے راجہ مہیندراورم کے سرکاری اسپتال داخل کردیاگیا۔