آندھراپردیش کے وکلا نے ریاست میں تین دارالحکومتوں کے وزیراعلی جگن موہن ریڈی کی تجویزکے خلاف ہائیکورٹ کے سامنے احتجاج کیا۔
اس احتجاج کے دوران وکلا نے ریڈی حکومت کے خلاف نعرے بازی کی اور کہا کہ اے پی کے لئے تین دارالحکومتوں کی ضرورت نہیں ہے۔
انہوں نے کہاکہ موجودہ دارالحکومت امراوتی ریاست کے وسط میں ہے اور اس تک آسانی سے رسائی ممکن ہے۔
ان وکلا نے ہائیکورٹ کی عمارت کو کرنول منتقل کرنے کی تجویز کی بھی مخالفت کی۔
اے پی ہائیکورٹ سادھنا سمیتی کے کنوینر پرساد بابو اور معاون کنوینر نے بھی اس احتجاج میں حصہ لیا۔وکلا نے کہا کہ رائلسیما سے کہیں زیادہ وسطی آندھراکے علاقہ میں درج مقدمات کی تعداد زیادہ ہے۔
مزید پڑھیں: جنتر منتر پر مظاہرین کا سیلاب
انہوں نے تجویز پیش کی کہ شمالی آندھرا اور رائل سیما میں ہائیکورٹ کی دو بنچز قائم کی جاسکتی ہیں۔موجودہ دارالحکومت امراوتی کے کسانوں نے بھی اس مسئلہ پر شدید احتجاج کیا۔
