آندھراپردیش: ریت کے تعلق سے نئی پالیسی

آندھراپردیش میں پانچ ستمبر سے نئی ریت پالیسی پرعمل کیا جائے گا، اس سلسلے میں وزیراعلی جگن موہن ریڈی نے منگل کے روز امراوتی میں ضلع کلکٹرز کے ساتھ ویڈیو کانفرنس کی۔

اس موقع پر وزیر اعلی نے کہا کہ ریت کی سپلائی میں اضافہ کرنے کی ضرورت ہے،انھوں نے ریت کی سپلائی میں اضافہ کے اقدامات کرنے کی ہدایت دی۔
انھوں نے کہا کہ سپلائی میں اضافہ سے ہی قیمتوں میں کمی ہوگی،انھوں نے عہدیداران کو ہدایت دی کہ ریت کو منتقل کرنے کے عمل میں کسی قسم کی دشواری نہیں ہونی چاہئے۔
انھوں نے متعلقہ افسران کو ہدایت دی کہ نئی ریت پالیسی جو عمل میں لائی جائیگی ،اس کی قیمت مارکٹ کی قیمت سے کم ہونی چاہئے۔