ہر خاندان کو ہیلتھ کارڈ دیا جائے گا

آندھراپردیش کے امراوتی میں وزیراعلی جگن موہن ریڈی کی قیادت میں محکمہ صحت کا اہم اجلاس منعقد ہوا۔

اس موقع پروزیر اعلی جگن موہن ریڈی نے محکمہ صحت کے افسران کو ہدایت دی کہ ہر خاندان کو ہیلت کارڈ فراہم کرنے کا انتظامی عمل شروع کیا جائے۔
بتایا گیا کہ 21 ڈسمبر سے ہیلت کارڈس کا عمل شروع ہوگا۔
وزیر اعلی نےآروگیہ شری ہیلت کارڈس سے متعلقہ اسپتالوں کی گریڈنگ کرنے کی بھی ہدایت دی۔
دوسری جانب نومبر کے مہینے سےپڑوسی ریاستوں میں بھی مذکورہ ہیلت کارڈس سے علاج کی سہولت فراہم کرنے کے اقدامات کیے جائیں گے۔
اس کے علاوہ اہم اسپتالوں میں وائی ایس آر کینٹینز کو قائم کیا جائے گا۔
108 اور 104 ایمبولینس کی نئی گاڑیوں کو خریدنے اور گاڑیوں کی خریدی کے لیے ٹینڈرز طلب کرنے کی ہدایت دی گئی۔
اس اجلاس میں وزیر صحت ٹی نانی، محکمہ صحت کے چیف سیکریٹری جواہر ریڈی، کمشنر کارتکیہ مشرا ،سی ای او ملکارجن اور دیگر موجود تھے۔