بھارتی ریاست آندھرا پردیش کے مشرقی گوداوری میں ایک ایسے قابل شخص رہتے ہیں جنہوں نے صرف ساتویں جماعت تک تعلیم حاصل کی ہے۔ پھر بھی ایم ٹیک کے طالب علموں کو پڑھاتے ہیں۔ وہ لوگ جو اس قابلیت پر تعجب کرتے ہیں کہ یہ کیسے ممکن ہوا انہیں پَدماکر سے ملنا چاہئے۔ یہ اپنے اڑان بھرنے کے خواب کو حقیقت میں بدلنے کے لئے ایک ہیلی کاپٹر بنانے کے بالکل قریب ہیں۔ صرف اتنا ہی نہیں اِن پرانے ہاتھوں نے کاربن کے اخراج کو کم کرنے اور ماحولیات کے مطابق متبادل ایندھن والی گاڑی ایجاد کی ہے۔
پَدماکر کا تعلق مشرقی گوداوری ضلع کے کاکینڈا سے ہے۔ وہ پیدائشی طور پر جلد کے ایک مرض سے متاثر ہیں۔ ساتھی طلبہ کے ذریعہ ان کا مذاق اڑانے کے باعث انہوں نے اسکول چھوڑ دیا اور آٹو میکینک بن گئے۔ بائیک ہو یا ہیلی کاپٹر پدماکر اسے ٹھیک کر سکتے ہیں۔ انہوں نے کچھ وقت کے لئے میکینک کے طور پر اس کی شروعات کی لیکن دھیرے دھیرے صارفین کے گھر تک اپنی خدمات فراہم کرنا شروع کر دیا۔
پدماکر نے کہا کہ ''میں نے 17 سال تک تروپتی میں ایک گیراج میں کام کیا ہے۔ اس کے بعد میں کاکینڈا واپس آگیا۔ مجھے یہاں وشاکھاپٹنم میں آئے ہوئے 25 سال ہوگئے ہیں۔ 13 سال پہلے میں نے تقریباً 18 سال تک 1200 جہازوں پر کام کیا ہے۔ میں نے اپنی پہلی تحقیق میں بیٹری بائک ڈیزائن کی تھی۔''
فضائی آلودگی کو کم کرنے کے لئے پدماکر نے بیٹری سے چلنے والی کار ڈیزائن کی تھی۔ اس وقت سے انہوں نے بیٹریوں اور شمسی توانائی سے چلنے والی 600 کاریں ڈیزائن کیں ہیں۔ یہ گاڑیاں آندھرا پردیش اور تلنگانہ کے سیکڑوں انجینئرنگ کالجوں میں نصاب کے حصے کے طور پر استعمال کی جارہی ہیں۔