تین ہائی کورٹس میں 20 ججز مقرر

صدر رام ناتھ کووند نے تین ہائی کورٹس کے لیے 20 جج مقرر کیے ہیں۔ ان میں 15 وکلاء اور دو جوڈیشل افسران ہیں جبکہ تین ایڈیشنل ججز کو ترقی دے کر جج بنایا گیا ہے۔

صدر نے سپریم کورٹ کے چیف جسٹس این وی رمن کی سفارش پر منگل کو مرکزی وزارت قانون و انصاف کے محکمہ انصاف نے الہ آباد ہائی کورٹ کے لیے آٹھ، مدراس کے لیے چار اور گوہاٹی ہائی کورٹ کے لیے آٹھ ججوں کی تقرری کی منظوری دی۔ دو خواتین جوڈیشل افسران کو گوہاٹی ہائی کورٹ اور ایک خاتون وکیل کو مدراس ہائی کورٹ میں جج بنایا گیا ہے۔

نوٹیفکیشن کے مطابق ایڈوکیٹ چندر کمار رائے، کرشنا پہل، سمیر جین، آشوتوش سریواستو، سبھاش ودیارتھی، برج راج سنگھ، پرکاش سنگھ اور وکاس کو بدھ کو الہ آباد ہائی کورٹ کا جج مقرر کیا گیا ہے۔

اسی طرح ایڈوکیٹس سندرم ڈی بھرت چکرورتی، آر وجے کمار اور محمد رفیق کو مدراس ہائی کورٹ کا جج بنایا گیا ہے۔

ایڈوکیٹ کاکھیٹو سیما، دیباش برووا اور ارون دیو چودھری اور جوڈیشل (خاتون) افسرملاشری نادی اور مارلی وانگ کنگ کو گوہاٹی ہائی کورٹ کا جج مقرر کیا گیا ہے۔

نوٹیفکیشن کے مطابق گوہاٹی ہائی کورٹ کے ایڈیشنل ججز سومیترا سیکیا، پارتھیو جیوتی سیکیا اور ایس حکماتو سوو کو اسی ہائی کورٹ میں بطور جج ترقی دی گئی ہے۔

یو این آئی