The Brother-in-Law Cut Salhe's Throat: علیگڑھ میں برادرِ نسبتی کا گلا کاٹ کر بہنوئی فرار

ضلع علی گڑھ کے روراوار تھانہ علاقہ کے تیلی پاڑا گلی نمبر4 میں دیر رات گھریلو جھگڑے پر بہنوئی نے سالے کا چاقو سے گلا کاٹ The Brother-in-law Cut Salhe's Throat کر قتل کرکے فرار ہوگیا۔

ضلع علیگڑھ تیلی پاڑا علاقے میں راشد نامی شخص نے اپنے سسرال جاکر کر اپنے برادر نسبتی رضوان کو چاقو سے گلے پر حملہ کر شدید زخمی کر دیا جس کے بعد ضلع اسپتال میں رضوان کو مردہ قرار دیا گیا۔

تیلی پاڑا علاقے کا رہائشی 25 سالہ رضوان مزدوری کرتا تھا۔ اہل خانہ کے مطابق رضوان کی بہن نے 4 سال قبل علاقے کے اسی نوجوان سے اپنی مرضی سے (love marriage) شادی کی تھی۔ 15 روز قبل بہن اور بہنوئی کے درمیان کسی بات پر جھگڑا ہوا۔ تب سے بہن عمرانہ اپنے میکے یعنی رضوان کے گھر مقیم تھی۔ اتوار کی رات ملزم بہنوئی اپنے سسرال آیا اور بیوی سے صلح کے لیے بات چیت کی۔ اسی دوران غصے میں آکر بہنوئی نے رضوان کی گردن پر چاقو سے حملہ کر دیا جس سے وہ بری طرح زخمی ہو گیا۔ اس کے بعد ملزم موقع سے فرار ہو گیا۔ فوری طور پر اہل خانہ اسے ضلع اسپتال لے آئے اور پولیس کو اطلاع دی گئی۔ذرائع کے مطابق قتل کی وجہ شوہر اور بیوی میں جھگڑا بتایا جارہا ہے۔ فی الحال راشد، رضوان کا قتل کرکے فرار ہوگیا ہے جس کو پولیس تلاش کر رہی ہے۔ اس سلسلہ میں ایف آئی آر درج کرلی گئی ہے۔

اطلاع ملنے پر پولیس نے لاش کو قبضہ میں لے کر تفتیش شروع کر دی۔ رضوان کے بہنوئی راشد پر قتل کا الزام لگایا گیا ہے۔ لاش کا ابھی پوسٹ مارٹم نہیں ہوا ہے۔

پولیس نے اطلاع دیتے ہوئے بتایا کہ فی الحال علاقے میں امن ہے پولیس کو تعینات کر دیا گیا ہے، ایف آئی آر درج کر لی گئی ہے، ابھی پوسٹ مارٹم نہیں ہوا ہے جس کی وجہ سے لاش ابھی گھر والوں کو نہیں دی جا سکتی ہے جب کہ فرار ملزم کی تلاش کی جا رہی ہے۔