اتراکھنڈ حکومت کے ایڈیشنل چیف سکریٹری اوم پرکاش کے ذریعہ جاری کردہ پاس کی بنیاد پر رکن اسمبلی امن منی ترپاٹھی اتراکھنڈ کے دورے پر جارہے تھے وہاں امن منی ترپاٹھی نے بتایا کہ وہ وزیر اعلی یوگی آدتیہ ناتھ کے والد کی تیرہویں میں شامل ہونے جارہے ہیں۔
اتراکھنڈ حکومت کی جانب سے اس کے لیے پاس بھی جاری کیے تھے لیکن پورے قافلے کے ساتھ جانے کے سبب اتراکھنڈ کی چمولی ضلعی انتظامیہ نے اتوار کی دیر رات ایم ایل اے امانی اور اس کے پورے قافلے کو واپس بھیجا تھا جس کے بعد آج وہ اتر پردیش کے لیے لوٹ رہے تھے۔
جس کے بعد بجنور میں پولیس کو اطلاع ملی کہ رکن اسمبلی امن منی ترپاٹھی لاک ڈاؤن کی خلاف ورزی کرتے ہوئے اپنے حامیوں کے ساتھ واپس جارہے ہیں۔ بجنور پولیس نے ناکہ بندی کرکے انہیں گرفتار کرلیا اور مزید کارروائی کے لیے پوعچھ تاچھ کررہی ہے۔
ریاستی حکومت کی طرف سے دی گئی وضاحت میں بتایا گیا ہے کہ ریاستی حکومت کی جانب سے رکن اسمبلی امن منی ترپاٹھی کو کوئی پاس جاری نہیں کیا گیا ہے اور نہ ہی وزیر اعلی یوگی آدتیہ ناتھ کی سطح پر جانے کے بارے میں کوئی بات ہوئی ہے۔
ایسی صورتحال میں انہوں نے اپنی بنیاد پر اتراکھنڈ جانے کا فیصلہ کیا تھا اور وہ خود اس کے ذمہ دار ہوں گے۔ بجنور پولیس جو ریاستی حکومت کے جاری کردہ ایک بیان کے بعد حرکت میں آئی اور امن مانی ترپاٹھی کو چھ دیگر افراد سمیت گرفتار کرلیا۔