اے ایم یو میں 'فٹ انڈیا مومنٹ' کا براہ راست ٹیلی کاسٹ

وزیراعظم کی ہدایت اور وزارت برائے انسانی وسائل کی جانب سے 'فٹ انڈیا مومنٹ' لانچ کیا گیا جس کا مقصد ملک کے نوجوان نسل کو صحت مند رکھنا ہے۔

ریاست اترپردیش کے علیگڑھ مسلم یونیورسٹی (اے ایم یو) کی تاریخی کینیڈی آڈیٹوریم میں تقریبا ڈھائی ہزار طلبہ و طالبات نے وزیراعظم نریندر مودی کا "فٹ انڈیا مومنٹ" پروگرام کا براہ راست ٹیلی کاسٹ دیکھا۔

اس پروگرام میں یونیورسٹی، اے بی کے یونین گرلس ہائی اسکول، اے بی کے یونین بوائز ہائی سکول، ایس ٹی ہائی اسکول، سٹی ہائی سکول، عبداللہ گرلس ہائی سکول، سٹی گرلس ہائی اسکول، احمدی بلائنڈ اسکول، سینئر سیکنڈری بوائز اور گرلز کے طلبہ و طالبات نے حصہ لیا۔

وزیراعظم کی ہدایت اور وزارت برائے انسانی وسائل کی جانب سے 'فٹ انڈیا مومنٹ' لانچ کیا گیا جس کا مقصد ملک کے نوجوان نسل کو صحت مند رکھنا ہے۔

اس پروگرام کی ٹیلی کاسٹ یونیورسٹی کے شعبہ فزیکل ہیلتھ ایجوکیشن کے زیر اہتمام کرایا گیا۔

شعبہ فزیکل ایجوکیشن کے اسسٹنٹ پروفیسر ارشد باری نے بتایا کہ حکومت کی جانب سے یہ ایک اچھی پہل ہے۔

انہوں نے مزید کہا کہ ہم نے یونیورسٹی کے طلبہ وطالبات کو اس جانب متوجہ کروایا ہے کہ وہ اس پروگرام کو دیکھیں اور اس سے استعفادہ کریں۔