بہنوئی پر ہراساں کرنے کا الزام

شازیہ خان نے اپنے پھوپھی ذات بہنوئی پر الزام عائد کیا ہے کہ اس نے دس لاکھ روپے مانگے ہیں اور والد سمیت ان کو جان سے مارنے کی دھمکی دی ہے۔

اترپردیش کے ضلع علی گڑھ تھانہ سول لائن کے علاقے شمشاد مارکیٹ کی ریہائشی لڑکی نے اپنے رشتے کے بہنوئی پر دس لاکھ روپے کی مانگ اور والد کو جان سے مارنے کی دھمکی دینے کی شکایت ایس ایس پی دفتر میں کی ہے۔

شازیہ خان نے اپنے پھوپھی ذات بہنوئی پر الزام عائد کیا ہے کہ اس نے دس لاکھ روپے مانگے ہیں، نہیں دینے پر والد سمیت ان کو جان سے مارنے کی دھمکی دی گئی ہے۔ خاتون کی شکایت پر پولیس نے ایف آئی آر درج کی ہے۔

شازیہ خان نے بتایا کہ 'میرے پھوپھی ذات بہنوئی نے مجھے واٹس ایپ پر میسج بھیجے اور جان سے مارنے کی دھمکی بھی دی، کبھی وہ کہتا ہے مجھے 10 لاکھ روپے چاہیے، کبھی کہتا ہے چار لاکھ روپے چاہیے۔ وہ کہتا ہے کہ میں تیری شادی نہیں ہونے دوں گا، تیرے والد کو بھی جان سے مار دوں گا اور تجھے بھی ماروں گا۔ شادی کے وقت میں پیسوں کو لے کر احتجاج کرون گا'۔

خاتون نے الزام عائد کیا کہ وہ کہتا ہے کہ تیرے پوسٹر گلی محلوں میں لگواؤں گا اور تیرے باپ کو بھی مار دوں گا، تو مجھے جانتی نہیں ہے'۔ خاتون کا الزام ہے کہ 'ملزم نے فیس بک پر بھی لکھنا شروع کر دیا کہ اس نے میرے دس لاکھ روپے نہیں دیے ہیں'

خاتون کا کہنا ہے کہ 'وہ نشہ کرتا ہے اور مجھے بد نام کرنا چاہتا ہے۔ میری شادی بھی نہیں ہونے دینا چاہتا'۔

خاتون نے بتایا کہ 'میں پولیس کے پاس بھی گئی شکایت کرنے لیکن پولیس نے کوئی ایکشن نہیں لیا۔ میرا مطالبہ ہے کہ اس کو جیل ہو، کیوںکہ اس سے مجھے خطرہ ہے۔ وہ کسی کو بھی کبھی مار سکتا ہے۔ ابھی کچھ روز قبل میں باہر گئی تھی تو اس نے دو لڑکوں کے ساتھ مل کر میرے ساتھ بدتمیزی کی۔ اس کا نام فہد مصطفی خان ہے جو شمشاد مارکیٹ کے علیگ اپارٹمنٹ میں رہتا ہے۔ میں چاہتی ہوں کہ اس کے خلاف ایکشن لیا جائے اور میری حفاظت بھی کی جائے کیوں کہ میری جان کو خطرہ ہے'۔

علیگڑھ ایس پی (سٹی) ابھیشیک نے بتایا 'سول لائن شمشاد مارکیٹ کی ایک لڑکی ہے شازیہ خان نے اپنے پھوپھا ذات بہنوئی فہد مصطفی پر یہ الزام لگایا ہے کہ وہ اکسر پیسے مانگتا رہتا ہے۔ فی الحال اس نے 10 لاکھ روپے مانگے ہیں اور جان سے مارنے کی دھمکی دی ہے۔ جس کے خلاف تھانہ سول لائن میں ایف آئی آر درج کی گئی ہے اور ایکشن لیا جا رہا ہے'۔