روڈ سیفٹی ماہ کے اختتام پر ریاست اترپردیش کے دارالحکومت لکھنؤ کے اندرا گاندھی پرتشٹھان میں ایک پروگرام کا انعقاد کیا گیا۔
جس میں محکمہ ٹرانسپورٹ اور انڈین روڈ سیفٹی مہم کی جانب سے علی گڑھ مسلم یونیورسٹی کے اجمل خان طبیہ کالج، ویمنس پالی ٹیکنک اور اے ایم یو این ایس ایس اکائی کی ٹیم کو اعزاز سے نوازا گیا۔
پروگرام میں اجمل خان طبیہ کالج کے علم الادویہ شعبہ کے ڈاکٹر سنبل رحمٰن، ویمنس پالی ٹیکنک کی ڈاکٹر شیبا کمال، بی اے سال دوم کے طالب علم زید انور اور گرلین کور کو یادگاری نشان، سرٹیفکیٹ اور نقد رقم سے نوازا گیا۔
اس موقع پر ایڈیشنل چیف سیکریٹری اونیش کمار اوستھی، پرنسپل سیکرٹری ٹرانسپورٹ محکمہ راجیش کمار سنگھ، اے ڈی جی ٹریفک اشو کمار سنگھ اور ٹرانسپورٹ کمشنر دھیرج ساہو بھی موجود تھے۔
قابل ذکر ہے کہ ٹرانسپورٹ کے قوانین اور ضابطوں کے سلسلہ میں آن لائن اور آف لائن طریقہ سے بیداری پیدا کرنے کے لیے اجمل خان طبیہ کالج، ویمنس پالی ٹیکنک اور اے ایم یو این ایس ایس اکائی کو اترپردیش آئی سیف (iSAFE)، روڈ سیفٹی کلب کے سب سے بہتر کارکردگی کا مظاہرہ کرنے والے کالجوں و اداروں میں منتخب کیا گیا تھا۔
