خود کفیل بھارت بنانے کی خاطر مادری زبان میں بنیادی تعلیم کی فراہمی، علاقائی اور مقامی زبانوں کی ترویج، اکیڈمک کریڈٹ بینک، تعلیمی لچک پر وزیراعظم کے زور اور متعدد ڈیجیٹل پلیٹ فارموں کی ابتداء سے نئی امید پیدا ہوئی ہے۔
وائس چانسلر پروفیسر طارق منصور نے کہا کہ "ایک نئی تعلیمی پالیسی یقیناً بھارت میں تعلیم کے میدان میں انقلاب لے کر آئے گی کیونکہ یہ نوآبادیاتی تعلیم سے ایک نئی سمت اختیار کرنے کا اشارہ ہے۔
اے ایم یو اکیڈمک بلاک کے سلیکشن کمیٹی روم میں آن لائن تقریب میں وائس چانسلر پروفیسر طارق منصور، رجسٹرار عبدالحمید، ویمنس کالج کی پرنسپل پروفیسر نعیمہ گریز، فینانس آفیسر پروفیسر جاوید اختر، کنٹرولر امتحانات مجیب اللہ زبیری، پراکٹر پروفیسر وسیم علی، او ایس ڈی ڈیویلپمنٹ پروفیسر عفیف اللہ خان، یونیورسٹی لائبریرین پروفیسر نشاط فاطمہ، ممبر انچارج دفتر رابطہ عامہ پروفیسر شافع قدوائی اور پی آر او عمر پیرزادہ موجود تھے۔
مزید پڑھیں:Sir Syed House: تاریخی سر سید ہاؤس کی تاریخ
اس سلسلہ میں سہولت کے لیے مختلف شعبوں کے سربراہان کو لنک فراہم کیا گیا تھا، چنانچہ انہوں نے اپنے اپنے شعبوں سے پروگرام میں شرکت کی۔