اے ایم یو: سینیٹائزر مشینوں اور ٹیمپریچر اسکینرس کی تنصیب

عالمی شہرت یافتہ علی گڑھ مسلم یونیورسٹی (اے ایم یو) نے اپنے ملازمین، طلبہ اور یونیورسٹی کے دفاتر میں آنے والے افراد کے لیے تحفظاتی اقدامات کے طور پر یونیورسٹی میں مختلف دفاتر کے داخلی دروازوں پر سینیٹائزر مشین اور درجہ حرارت کی جانچ کرنے والے اسکینرس نصب کیے ہیں اور حفاظتی گارڈوں کو بھی ٹیمپریچر اسکینرس فراہم کیے گئے ہیں۔

یونیورسٹی انتظامیہ نے کورونا وائرس سے بچاؤ کے لیے ڈی آر ڈی او کے ذریعے تیار کردہ آٹومیٹک سینیٹائزر ڈسپنسرس، ایڈمنسٹریٹیو بلاک کی عمارت کے صدر دروازہ، وائس چانسلر دفتر، رجسٹرار، فائنانس دفتر، رابطہ عامہ دفتر اور ایڈمیشن سیکشن میں نصب کیے گئے ہیں۔ یونیورسٹی کیمپس میں واقع مختلف مساجد میں بھی 30 کانٹیکٹ لیس ٹیمپریچر اسکینرس نصب کیے گئے ہیں جن کے ذریعہ پیشانی کے درجہ حرارت کو ناپا جا سکتا ہے جبکہ دو اسکینر سکیورٹی گارڈوں کو دیے گئے ہیں تاکہ ایڈمنسٹریٹیو بلاک میں آنے والے سبھی افراد کے درجہ حرارت کی جانچ کی جا سکے۔

ٹیمپریچر اسکینر

سینیٹائزر مشین اور ٹیمپریچر اسکینر نصب کرنے کا فیصلہ سات رکنی کمیٹی کی ایک میٹنگ میں کیا گیا، جس میں اے ایم یو رجسٹرار عبدالحمید (آئی پی ایس)، فائنانس افسر پروفیسر ایس ایم جاوید اختر، کنٹرولر امتحانات مجیب اللہ زبیری موجود تھے۔