علی گڑھ کے ڈی ایم کورونا سے متاثر

ریاست اترپردیش کے ضلع علی گڑھ میں گزشتہ 24 گھنٹے میں کورونا کی وجہ سے 15 افراد کی موت ہوئی ہے جبکہ ڈی ایم سمیت 237 افراد کی کورونا رپورٹ مثبت آئی ہے اور 138 مریض صحتیاب ہوئے ہیں۔

کورونا وائرس کی دوسری لہر کی وجہ سے ملک میں مسلسل کئی روز سے تین لاکھ سے زائد کیسز درج کیے جارہے ہیں، جس کی وجہ سے ملک میں آکسیجن سلینڈر کے ساتھ ساتھ اسپتالوں میں بیڈ کی بھی قلت ہورہی ہے۔

ضلع علیگڑھ میں بھی روزآنہ کورونا وائرس سے متاثرین کی تعداد میں تیزی سے اضافہ ہو رہا ہے، گزشتہ 24 گھنٹے میں اس وبا کی وجہ سے جہاں 15 افراد کی موت ہوئی وہیں ضلع مجسٹریٹ چندر بھوشن سنگھ اور ان کے ڈرائیور سمیت 237 افراد کی رپورٹ مثبت آئی ہے جبکہ 138 مریض صحتیاب بھی ہوئے ہیں۔

علیگڑھ میں کورونا کیسز میں مسلسل اضافے کے پیش نظر ڈی ایم چندر بھوشن سنگھ نے دو گز کی دوری، ماسک اور سینیٹائزر کا استعمال کرنے کی اپیل کی ہے۔