علی گڑھ: گزشتہ ایک ہفتے میں کورونا کے 159 نئے معاملے

علی گڑھ میں کورونا وائرس سے متاثرین کی تعداد میں مسلسل اضافہ ہو رہا ہے۔ جولائی ماہ کے گذشتہ سات روز میں اب تک 159 نئے معاملے سامنے آچکے ہیں۔

ریاست اترپردیش کے ضلع علی گڑھ میں کورونا وائرس کے مزید 17 کیسز مثبت آنے سے متاثرین کی تعداد 651 تک جا پہنچی ہے۔ جس میں 24 اموات، 359 صحتیاب، 268 فعال کیسز شامل ہیں۔

گزشتہ شب آئی 17 مثبت رپورٹ میں 13 مرد اور 4 خواتین شامل ہیں۔ وہیں علی گڑھ کے ضلع مجسٹریٹ چندر بھوشن سنگھ نے ایک بار پھر عوام سے اپیل کی ہے کہ وہ اپنے گھروں میں محفوظ رہیں ضرورت پر ہی گھر سے باہر نکلیں۔

غور طلب ہے کہ بھارت اب کورونا وائرس کے معاملے میں عالمی سطح پر تیسرے نمبر پر جا پہنچا ہے۔ جبکہ امریکہ پہلے اور برازیل دوسرے نمبر پر ہیں۔ وہیں ملکی سطح پر بھارت میں روزانہ تقریبا 25 ہزار کے قریب کورونا کے مریض سامنے آرہے ہیں۔