علی گڑھ میں کورونا کے 25 نئے معاملے

ریاست اترپردیش کے ضلع علی گڑھ میں کورونا وائرس کی مزید 25 رپورٹ مثبت آنے سے متاثرین کی تعداد 533 ہو گئی ہے، جبکہ24 افراد اس سے ہلاک ہو چکے ہیں۔

علی گڑھ میں بھی دن بدن کورونا وائرس کا قہر بڑھتا جا رہا ہے اور متاثرین کی تعداد میں مسلسل اضافہ ہو رہا ہے۔

تازہ رپورٹ کے مطابق ضلع میں کورونا وائرس کے 25 نئے کیسز سامنے آئے ہیں۔ ان 25 مثبت رپورٹز میں 18 مرد اور 7 خواتین شامل ہیں۔ جو علی گڑھ کے مختلف رہائشی علاقوں سے ہیں۔

علی گڑھ ضلع مجسٹریٹ چندر بھوشن سنگھ نے ایک بار پھر عوام سے اپیل کی ہے کہ وہ اپنے گھروں میں محفوظ رہیں ضرورت پر ہی گھر سے باہر نکلیں۔

وہیں علی گڑھ میں آج 12 بجے تک کورونا وائرس متاثرین کی تعداد 533 تا جا پہنچی ہے جس میں 24 افراد کی اموات ہو چکی ہیں۔