اجمیر سینٹرل جیل میں قیدیوں کی کلائی سونی

قیدیوں کی بہنیں اپنے بھائیوں کو راکھی باندھنے پہنچی تھیں لیکن کورونا وائرس کے باعث انہیں راکھی باندھنے کی اجازت نہیں دی گئی۔

کورونا وبا کے پیش نظر اس بار اجمیر سینٹرل جیل کے قیدیوں کی کلائی سونی دکھائی دی۔ اس بار کورونا وبا کے انفیکشن کو روکنے کے لئے پولیس انتظامیہ نے سینٹر جیل میں خواتین کے داخلے پر پابندی عائد کردی۔

سینٹر جیل میں بند قیدیوں کی بہنیں وہاں پہونچی تو سہی لیکن انہیں اپنے بھائیوں کی کلائی پر راکھی باندھنے کا موقع نہیں ملا۔ قیدیوں کے رشتیداروں نے اس بات پر ناراضگی ظاہر کرتے ہوئے کہا کہ انہیں پہلے سے اس کے بارے میں جانکاری کیوں نہیں دی گئی تھی۔ تاہم جیل انتظامیہ نے قیدیوں کے رشتیدار یا انکی بہنوں سے راکھی لیکر ان کے بھائیوں کے پاس ضرور پہنچایا۔