سلطان الہند حضرت خواجہ غریب نواز کے بڑے صاحبزادے سید خواجہ فخر الدین چشتیؒ کے سالانہ عرس کے موقع پر بڑی تعداد میں زائرین کا ہجوم دیکھا گیا۔ Urs Of Sarwar Shareef جبکہ اجمیر شریف درگاہ کی جانب سے بھی ایک چادر بھیجی گئی۔
جلوس چادر کے موقع پر کثیر تعداد میں زائرین اور درگاہ کے خادم موجود رہے۔ درگاہ میں صوفیانہ محفل کا انعقاد ہوا اور بڑی تعداد میں عقیدت مندوں نے جلوس میں شرکت کی۔
جلوس میں صوفی ملنگ قلندروں نے حیرت انگیز کارنامے دکھائے،درگاہ شریف کے خادموں کی انجمن کی جانب سے یہ چادر اجمیر ریلوے اسٹیشن سے روانہ ہوئی جسے پانچ شعبان کو حضرت بابا فخرالدین چشتی کی درگاہ شریف میں پیش کیا جائے گا۔
سرواڑ شریف میں حضرت خواجہ فخر الدین چشتی رحمۃ اللہ علیہ کا سالانہ عرس نو شعبان تک چلے گا۔جس میں ملک بھر سے کثیر تعداد میں زائرین شرکت کریں گے۔
اس عرس کے موقع پر اجمیر درگاہ انجمن کے علاوہ عقیدت مندوں کی جانب سے جگہ جگہ لنگر کا اہتمام اور محفل منعقد کی جائے گی۔ 6 شعبان کو عرس کے کل کی محفل ادا کی جائیں گی۔ 9 شعبان کو بڑا کل کی رسم عقیدت مند ادا کریں گے۔