بھارت میں چشتیہ سلسلے کا سب سے وسیع مرکز صوفی حضرت خواجہ معین الدین حسن چشتی کی درگاہ اجمیر شریف، جہاں سبھی مذہب و ملت کے عقیدت مند اپنی حاضری دینے پہنچتے ہیں اور خواجہ صاحب کا فضل و کرم حاصل کرتے ہیں۔ اجمیر شریف پہنچنے والے عقیدت مندوں کو خواجہ صاحب کے سالانہ عرس کا بے صبری سے بھی انتظار رہتا ہے۔ یہی وجہ ہے کی اجمیر شریف درگاہ کے خادم ملک اور برصغیر میں خواجہ صاحب کے عرس کی رسم و رواج کی اطلاع کے لئے انہیں عرس کا دعوت نامہ بھی بھیجتے ہیں۔
درگاہ شریف کے خادموں کے مطابق زائرین خواجہ غریب نواز کو انٹرنیٹ، واٹس اپ، ای میل، ٹیلیفون اور ڈاک کے ذریعے عرس کا پیغام نامہ بھیج رہے ہیں۔ آئندہ آنے والے خواجہ صاحب کے 808 ویں عرس مبارک کا پروگرام ایک رجب سے دس رجب تک منعقد ہوگا۔
خواجہ غریب نواز کے عرس مبارک میں دنیا بھر سے لاکھوں عقیدت مند اجمیر شریف عرس مبارک میں شرکت کرتے ہیں، اور منت مرادیں مانگتے ہیں۔ اس بار خواجہ صاحب کا 808واں عرس مبارک فروری 2020 میں منایا جائے گا۔ 20 فروری کو جھنڈے کی رسم ادا کی جائے گی۔ 24 فروری کو جنتی دروازہ کھولا جائے گا۔ دو مارچ کو خواجہ صاحب کی چھٹی شریف کو کل کی رسم ادا کی جائے گی۔ اسی طرح پانچ مارچ کو بڑے کل کی رسم کے ساتھ عرس مکمل کیا جائے گا۔
