ریاست راجستھان کے اجمیر کی گنج پولیس اسٹیشن نے ضلع پولیس کپتان جگدیش چندر شرما کی ہدایت پر اجمیر کے رام نگر رادھا ویہار کالونی علاقے میں ایک مکان میں چھاپہ مارنے کی کاروائی کی، جہاں پر آئی پی ایل میچ پر سٹا لگانے کے الزام میں دو نوجوانوں کو گرفتار کیا ہے۔
اجمیر میں آئی پی ایل پر سٹے بازی، دو شخص گرفتار - آئی پی ایل میچ پر سٹا
اجمیر کے رام نگر رادھا ویہار کالونی علاقے میں آئی پی ایل میچ پر سٹہ لگانے کے الزام میں دو نوجوانوں کو گرفتار کیا گیا ہے جن کے قبضہ سے ایک کروڑ 17 لاکھ روپے کے علاوہ دو لیپ ٹاپ، نو موبائل اور ایک ایل ای ڈی بھی برآمد ہوا ہے۔
اجمیر میں آئی پی ایل پر سٹے بازی، دو شخص گرفتار
درگاہ کے سی ای او رگویر پرساد نے بتایا کی گنج پولیس اسٹیشن کی جانب سے مسلسل سٹا لگانے والوں کے خلاف کارروائی کی جا رہی ہے، اسی کے تحت سنیچر کی رات پولیس نے رادھا ویہار علاقے کے ایک مکان پر دبیش دے کر دو سٹے لاگنے والوں کو گرفتار کیا ہے اور ان کے قبضہ سے ایک کروڑ 17 لاکھ روپے کے علاوہ دو لیپ ٹاپ، نو موبائل اور ایک ایل ای ڈی بھی برآمد کیا ہے۔
انھوں نے بتایا کہ گرفتار ملزم کی شناخت پیوش گوئل اور دنیش شرما کے طور ہوئی ہے، ذرائع کے مطابق پیوش گوئل اجمیر میں یوٹیوب نیوز چینل چلاتا ہے جس کی آڑ میں یہ سٹے کا کام انجام دیتا تھا، فی الحال پولیس دونوں ملزم سے پوچھ تاچھ کررہی ہے جس سے ان کے نیٹ ورک کا خلاصہ کیا جاسکتا ہے۔