واقعہ کربلا: حضرت قاسمؓ کی یاد میں مہندی کی رسم

میدان کربلا میں حق و باطل کے مابین ہوئی جنگ عظیم میں حضرت امام حسینؓ کے ساتھ آپ کے سب سے چھوٹے معصوم بیٹے نے بھی جام شہادت نوش فرمائی تھی، ان واقعات کو یاد کرتے ہوئے اجمیر شریف میں حضرت قاسمؓ کی یاد میں مہندی کی رسم ادا کی گئی۔

ریاست راجستھان کے ضلع اجمیر شریف میں ماہ محرم الحرام کے پیش نظر عقیدت مندوں نے شہدائے کربلا کو یاد کر کے اللہ عزوجل سے راہ راست پر چلنے کی دعا مانگی۔

حسنی حسینی حضرت خواجہ غریب نواز کی درگاہ کے نظام گیٹ پر مہندی کی رسم ادا کی گئی، ایک طرف جہاں درگاہ شریف میں بڑے تعزیہ پر خوبصورت رنگین مہندی پیش کی گئی تو دوسری جانب نظام گیٹ سے عقیدت مندوں نے اندرکوٹ عطائی چوک امام بارگاہ میں ڈولے شریف پر بھی مہندی کی رسم ادا کی'۔

رواں برس کورونا وبا کی وجہ سے ضلع انتظامیہ نے جلس جلوس پر پابندیاں عائد کر رکھی ہیں جس کی وجہ سے مختلف مقامات پر کورونا گائیڈ لائن کے مطابق ہی محرّم کی رسم ادا کرنے کی اجازت دی گئی ہے۔ غم حسین میں مسلم علاقوں میں تعزیہ داری یوم عاشورہ تک کی جائے گی جس پر پولیس کی نگاہ رہے گی۔