سی اے اے کے خلاف جلسہ عام

راجستھان کے اجمیر شہر میں جمعہ کی نماز کے بعد اندرکوٹ علاقے میں این آر سی اور سی اے اے کے خلاف ایک عام جلسہ منعقد ہوا جس میں مسلم خواتین نے بھی حصہ لیا۔

اجمیر شہر قاضی حافظ توصیف احمد صدیقی کی صدارت میں این آر سی, سی اے اے کے زیر اہتمام احتجاجی پروگرام کا انعقاد کیا گیا تھا جس میں اجمیر کی معروف شخصیات، علماء کرام سمیت مسلم رہنماؤں نے شرکت کی اور مودی حکومت کی غلط پالیسیوں کو عوام کے سامنے اجاگر کیا۔

اندرکوٹ چوک پر عام جلسہ میں موجودہ حکومت سے مظاہرین نے این آر سی اور سی اے اے کو لے کر ان کی نیت پر سوال اٹھائے اور الزام لگایا گیا کہ بی جے پی حکومت ہمیشہ ملک کی عوام کے ساتھ جعلسازی کرتی آرہی ہے این آر سی اور سی اے اے بھی انہیں برائیوں میں سے ایک ہے۔خواجہ کی سرزمیں سے مسلسل نوے مرحلے ہفتہ سے این آر سی اور سی اے اے کے خلاف احتجاج برقرار ہے ایسے میں اب اجمیر کی سنگھرش سمیتی اس احتجاج ازیں مظاہرہ کو تب تک جاری رکھنے کا ارادہ رکھتی ہے جب تک مودی حکومت اس این آر سی اور سی اے اے جیسے قانون کو واپس نہیں لے لیتی۔