اجمیر میں ہاتھوں میں این آر سی اور سی اے اے کے خلاف تختی لیے افراد ملک کے آئین کو سلامت رکھنے کے لئے اجمیر میں احتجاج کر رہے ہیں۔ اجمیر میں جمعہ کی نماز کے بعد 'این آر سی اور سی اے اے سنگھرش سمیتی' کی قیادت میں ملک کی عوام نے اپنے غصہ کا اظہار کیا۔
مظاہرین کا الزام ہے کی مودی حکومت اپنے مفاد کے لیے ملک کے آئین کے خلاف این آر سی اور سی اے اے جیسے قانون نافذ کر رہی ہے۔ ان قوانین کی وجہ سے عوام اپنے حق حقوق کی جنگ سڑکوں پر آکر لڑ رہی ہے۔
اجمیر شریف میں جمعہ کی نماز کے بعد درگاہ کے نظام گیٹ سے مرکزی حکومت کو پیغام دیا گیا کہ وہ شہریت ترمیمی ایکٹ جیسے فیصلوں کو واپس لے کر ملک کی عوام کی عزت و احترام کرے اور امن قائم کرے۔