پرینکا گاندھی کے وزیر اعلی بننے کے لیے اجمیر شریف میں دعا کا اہتمام

راجستھان کے اجمیر میں واقع صوفی حضرت خواجہ غریب نواز کی درگاہ میں اترپردیش میں سیلابی صورت حال سے نجات اور پرینکا گاندھی کے وزیر اعلی بننے کے لئے دعا مانگی گئی۔ یہ دعا راہل پرینکا فورم کے قومی صدر وجے گپتا نے مانگی۔

اتر پردیش میں آئی سیلاب کی وجہ سے ہو رہی پریشانی سے انسانی زندگی سلامت رہنے اور پرینکا گاندھی کو ریاست کی وزیر اعلی بننے کے لئے راہل گاندھی فورم کے قومی صدر وجے گپتا نے اجمیر شریف درگاہ میں دعا کی۔

صوفی حضرت خواجہ غریب نواز کی بارگاہ میں آل انڈیا پرینکا- راہول گاندھی فورم کی جانب سے حاضری دی گئی۔ اس موقع پر فورم کے قومی صدر وجے گپتا نے اپنے ساتھیوں کے ساتھ خواجہ کی مزار مبارک پر حاضری دی اور اتر پردیش عوام کے حق میں سیلاب سے محفوظ کی دعا مانگی۔

درگاہ زیارت کے بعد وجے گپتا نے میڈیا سے گفتگو میں کہاں کہ اتر پردیش حکومت سیلابی مصیبت سے عوام کو محفوظ رکھنے میں ناکام ثابت ہوئی ہے۔ ایسے میں اب غریب نواز کی بارگاہ میں دعا کرتے ہیں کہ آئندہ یوپی انتخابات میں کانگریس کی حکومت بنے اور پرینکا گاندھی وزیراعلی منتخب ہو۔

وجے گپتا اور ان کے ساتھیوں کو اجمیر شریف درگاہ میں زیارت سید عارف حسین عثمانی اشرفی چشتی نے کرائی اور دربار کی دستار بندی کر تبرک پیش کیا۔