حج 2021 کے لیے جانیں کیا کیا بڑی تبدیلیاں ہوئی ہیں؟

راجستھان حج ویلفیئر سوسائٹی کے جنرل سیکرٹری حاجی نظام الدین کا کہنا ہے کہ حج 2021 کے لیے جو ایپلیکیشن ہوں گے ان کی رقم پونے چار لاکھ روپے ہوگی۔

راجستھان حج ویلفیئر سوسائٹی کے جنرل سیکرٹری حاجی نظام الدین کا ای ٹی وی بھارت سے خاص بات چیت کے دوران کہنا ہے کہ مرکزی حج کمیٹی کی جانب سے حج 2021 کو لے کر کئی تبدیلیاں کی گئی ہیں۔ ان میں سب سے پہلی تبدیلی تو یہ ہے کہ حج 2021 کے لیے جو ایپلیکیشن ہوں گے ان کی رقم پونے چار لاکھ روپے ہوگی۔

انہوں نے مزید بتایا کہ حاجی پر تقریبا سوا لاکھ روپے زیادہ رقم وصول کی جائے گی، جو پیسے میں اضافہ کیا گیا ہے اس کے بارے میں مرکزی حج کمیٹی کی جانب سے بتایا گیا ہے۔

حاجی نظام الدین کا کہنا ہے کی دوسری بڑی تبدیلی یہ ہے کہ راجستھان کے دارالحکومت جے پور کے ایئرپورٹ سے جو پرواز سعودی جاتی تھی اس کو ختم کر دیا گیا ہے، ایسے میں تمام عازمین حج اب دہلی یا ممبئی سے ہی حج کے مقدس سفر پر جا پائیں گے۔

نظام الدین کا کہنا ہے کی تیسری بڑی تبدیلی یہ ہے کہ 18 برس سے کم اور 65 برس سے زیادہ عمر کے لوگ اس مرتبہ حج کے مقدس سفر پر نہیں جا پائیں گے۔

انہوں نے مزید بتایا کہ جو بھی عازمین حج 2021 میں حج کے سفر پر جائیں گے ان تمام لوگوں کو پریشانیوں کا سامنا کرنا پڑے گا، اس لئے ہم تمام لوگ یہی دیکھ رہے ہیں کہ ہم لوگ کب سے اپلیکیشن کو بھروانہ شروع کریں۔

راجستھان حج ویلفیئر سوسائٹی کی جانب سے جاری پریس نوٹ کے مطابق اس بار گرین کٹیگری کو بھی ختم کر دیا گیا ہے۔ محض عزیزیہ کٹیگری ہیں۔ جو سعودی عرب میں موجود رہے گی۔ پہلے جس دور میں پانچ لوگ ہوا کرتے تھے اس کو اب محض تین لوگوں کا کر دیا گیا ہے۔ عازمین حج کو سوٹ کیس حج کمیٹی آف انڈیا سے ہی لینا ہوگا۔