اجمیر: خادم محلہ میں ہیلتھ کیئر سینٹر کا قیام

سینٹر کے عہیدیدار کے مطابق مختلف قسم کی جانچ کو مفت میں فراہم کرنے کے مقصد سے سینٹر قائم کیا گیا ہے۔

راجستھان کے اجمیر کے خادم محلہ میں آفتاب ویلفیئرسوسائٹی کے زیراہتمام میڈیکل ہیلتھ کیئر سینٹر قائم کیا گیا ہے۔ اس سینٹر میں مختلف جانچ کی سہولیات فراہم کرائی جائیں گی اور کئی جانچ مفت بھی کرائی جائیں گی۔ ساتھ ہی ساتھ علاج بھی فراہم کیا جائے گا۔

سوسائٹی کی چیئرمین آفتاب بیگم اور تسلیم چشتی نے بتایا کی مسلم خواتین کو میڈیکل سہولیات دستیاب کرانے کے مقصد سے اس مرکز کی بنیاد ڈالی گئی ہے تاکہ ان کی دشواریوں کو دور کیا جا سکے۔ سوسائٹی کے عہدیداروں کا کہنا ہے کہ بزرگ خواتین اور کمزور ضعیف اور کمزور مریضوں کو بی پی اور شوگر جیسی جانچ کیلئے دشواری پیش آتی ہے۔ اب انہیں اس محلہ کلینک سے فائدہ پہنچے گا۔ اس ہیلتھ کیئر سینٹر پر شہر کے نامور ڈاکٹرز اپنی خدمات فراہم کریں گے اور کورونا وبا جیسی بیماریوں سے محفوظ رہنے کے طور طریقے بھی سمجھائیں گے۔