حضرت خواجہ فخرالدین چشتی رحمۃ اللہ علیہ کی درگاہ میں نئی تعمیرات

ریاست راجستھان کے سرواڑ قصبے میں واقع حضرت خواجہ فخرالدین چشتی رحمۃ اللہ علیہ کی درگاہ کے اطراف میں تاریخی عمارت تعمیر کرائی گئی ہے۔

حضرت معین الدین چشتی رحمۃ اللہ علیہ کے بڑے صاحبزادے حضرت خواجہ فخرالدین چشتی سڑواڑی رحمۃ اللہ علیہ کی درگاہ کے اطراف میں کئی تاریخی عمارتیں موجود ہیں، ان عمارتوں کی خستہ حالی کی وجہ سے اسے ممبئی سے تعلق رکھنے والے پیر الحاج عبدالمنان شیخ نے انہیں دوبارہ تعمیر کرایا ہے، تعمیراتی کام مکمل ہونے کے بعد نئی عمارت کو دیکھنے کے لیے لوگ جوق در جوق یہاں پہنچ رہے ہیں۔

درگاہ تعمیرات کرانے والے پیر الحاج عبدالمنان شیخ نے بتایا کہ' پہلے یہاں آنے جانے میں کافی مشقتوں کا سامنا ہوتا تھا، لیکن خستہ حال عمارتوں کو دوبارہ تعمیر کرائے جانے کے بعد سے یہاں کافی لوگ اسے دیکھنے کو پہنچ رہے ہیں”۔

انہوں نے کہا کہ یہاں کئی چیزیں نئی تعمیر کرائی گئی ہیں جن میں خاص طور پر وضو خانہ، صحن و دیگر اور ایسی چیزیں ہیں جو بے حد شاندار اور لوگوں کی توجہ کا مرکز بنی ہوئی ہیں۔