اجمیر درگاہ میں ترقیاتی کاموں کا آغاز

عظیم صوفی بزرگ خواجہ غریب نواز رحمۃ اللہ علیہ کے درگاہ شریف میں زائرین کی سہولت کے لئے جاری ترقیاتی کام میں تیزی آگئی ہے۔ اس سلسلے میں محفل خانہ کے سامنے 'مسافر خانہ' کی چھت پر خواتین کاریڈور میں توسیع کا کام دوبارہ شروع کیا گیا۔

انجمن سید زادگان کے عہدیداروں کے ساتھ درگاہ کمیٹی کے صدر امین پٹھان، نائب صدر منور خان اور دیگر ممبران کی موجودگی میں کام شروع کیا گیا۔

اس موقع پر کام کی کامیابی کے لئے دعا کی گئی۔ درگاہ کمیٹی کے چیئرمین امین پٹھان نے بتایا کہ خواتین کاریڈور کا کام آئندہ چار ماہ میں مکمل ہوجائے گا، اس سے درگاہ شریف آنے والی خواتین زائرین کو بہتر سہولیات میسر ہو پائیں گی۔

غور طلب ہے کہ درگاہ کمیٹی آئندہ برس گزشتہ بقایا ترقیاتی کاموں کو جلد مکمل کریں گی۔ یہی وجوہات ہے کہ درگاہ کے ترقیاتی کاموں کو عملی جامہ پہنایا جارہا ہے۔