اجمیر: بیداری مارچ کے دوران رہنما خطوط کی پاسداری کرنے کی تلقین

اجمیر شہر میں پولیس انتظامیہ نے عوامی بیداری مارچ کے دوران عوام کو رہنما خطوط کی پاسداری کرنے کی تلقین کی۔

راجستھان میں کورونا وائرس کے بڑھتے مثبت معاملات اور اموات کی تعداد میں اضافے کے بعد سرکار نے پولیس اور انتظامیہ کو رہنما خطوط کو سختی سے عمل کرنے کی تلقین کی ہے۔

ضلع اجمیر میں عوام کو کورونا کی روک تھام کے لیے وضع کیے گئے رہنما خطوط کی پاسداری کرانے کے لیے پولیس اور انتظامیہ نے مشترکہ طور عوام بیداری مارچ کا اہتمام کیا۔

عوام بیداری مارچ میں پولیس، ضلع انتظامیہ اور ٹریفک عملہ کے جوانوں نے شرکت کرکے خواجہ کے شہر اجمیر شریف کے مختلف علاقوں کا دورہ کیا۔

بیداری مارچ میں لاؤڈ اسپیکر کے ذریعہ عوام سے گھروں میں ہی رہنے کی تلقین کی گئی۔ وہیں، لوگوں سے گھروں کے باہر نکلتے وقت ماسک پہننے اور سماجی دوری کا خیال رکھنے پر زور دیا گیا۔

عوام بیداری مارچ میں پولیس اور ضلع انتظامیہ کے اعلیٰ افسران بھی شامل تھے۔