نجی چینل کے صحافی کے خلاف مقدمہ درج

ایک نجی نیوز چینل کے صحافی نے سلطان الہند حضرت خواجہ معین الدین حسن چشتیؒ کے خلاف نازبیا الفاظ کا استعمال کیا جس کے خلاف ملک بھر میں عقیدت مندوں میں غصہ پایا جاتا ہے۔

ریاست راجستھان کے شہر اجمیر شریف میں واقع درگاہ کے نمائندوں نے مل کر ایسے ہی ایک نیوز چینل کے اینکر کو سبق سکھانے کے لیے درگاہ تھانہ میں مقدمہ درج کروایا ہے۔

ایک نجی نیوز چینل کے صحافی نے حضرت خواجہ غریب نوازؒ کی شان میں غلط الفاظ استعمال کئے جس سے کروڑوں عقیدتمندوں کے دل کو ٹھیس پہنچی۔ اس تعلق سے لوگوں نے پولیس میں کیس درج کروایا ہے۔

اجمیر شریف کے علاوہ ملک بھر کے شہروں میں مختلف تنظیموں کے علاوہ جماعت مصطفی اے رضا، دارالعلوم دیوبند، رضا اکیڈمی اور مہاراشٹر کی شیو سینا اور یوا سینا نے بھی اینکر کے خلاف مذہبی جذبات کو ٹھیس پہنچانے کا معاملہ درج کروایا ہے۔

اجمیر درگاہ تھانہ میں بھی درگاہ دیوان اور خادموں کی دونوں انجمن نے مل کر پولیس میں اینکر کے خلاف رپورٹ درج کروائی ہے۔