خواجہ کے دربار میں ایکتا کپور کی حاضری

بالی وڈ فلم ڈائریکٹر، پروڈیوسر ایکتا کپور نے حضرت خواجہ غریب نواز رحمۃ اللہ علیہ کی بارگاہ میں حاضری دی۔ جہاں انہوں نے اپنے خاندان کی سلامتی اور بالاجی ٹیلی فلم کے ذریعے بنائی جارہی ویب سیریز کی کامیابی کی دعا مانگی۔

بالی ووڈ کی معروف شخصیت جتندر کی بیٹی ایکتا کپور اور ان کے ساتھ ٹیلی ویژن کی دو اداکارہ اجمیر شریف درگاہ میں حاضری دینے پہنچی تھی۔

جہاں انہوں نے خواجہ صاحب کے مزار اقدس پر عقیدت کی چادر اور پھول پیش کیے اور آستانہ شریف میں پندرہ منٹ بیٹھ کر قلبی سکون حاصل کیا۔

خواجہ غریب نواز کی درگاہ میں بے حد عقیدت رکھنے والی ایکتا کپور ہمیشہ جب کبھی کوئی ٹی وی سیریل یا فلم کی ابتدا کرتی ہے تو پہلے دربار میں حاضری ضروری دینے آتی ہیں۔

یہی وجہ ہے کہ اپنی ویب سیریز کی کامیابی کیلئے وہ اجمیر شریف پہنچی اور درگاہ کی چوکھٹ پر ویب سیریز کی سی ڈی رکھ کر کامیابی کی دعا مانگی۔

غور طلب ہے کہ خواجہ غریب نواز کی بارگاہ میں ایکتا کپور کے والد گزشتہ زمانے کے مشہور اداکار جتندر کپور اور ان کا خاندان بے حد عقیدت رکھتا ہے۔ یہی وجہ ہیں کی کپور خاندان کا رشتہ خواجہ صاحب سے ہمیشہ جڑا رہا ہے۔