ریاست راستھان کے درگاہ اجمیر میں ضلع کلکٹر وشموہن شرما کی قیادت میں درگاہ کی محفل خانہ میں ضرورت مندوں کے درمیان کمبل اور لحاف تقسیم کیے گئے۔ ضلع کلکٹر نے بتایا کہ سردی سے راحت کے لیے شہر بھر میں رین بسیروں پر غریبوں کے لیے بہتر اور عمدہ انتظام کیے گئے ہیں۔
انجمن کے ممبر سید منور چشتی عرف پہلوان اور ان کی ٹیم کی جانب سے ضرورت مندوں کے درمیان گرم کپڑے کمبل اور لحاف تقسیم کیےگئے۔
انہوں نے درگاہ کی محفل خانہ میں ضرورت مندوں کو تیز سردی سے بچنے اور راحت دینے کے لیے کمل تقسیم کیے، جس میں شہر کے سیاسی رہنماؤں سمیت انتظامیہ کے افسران کے علاوہ درگاہ کمیٹی کے معاون ناظم شاداب صدیقی اور خدام خواجہ نے شرکت کی۔ پہلوان کے اس نیک قدم کی تعریف کرتے ہوئے حاضرین نے انہیں مبارکباد پیش کی۔
