اجمیر میں بابا فرید کا چلہ شریف زائرین کے لیے کھول دیا گیا

راجستھان کے اجمیر میں مشہور صوفی حضرت بابا فرید الدین گنج شکر مسعود رحمۃ اللہ علیہ کا مزار عام زائرین کے لئے کھول دیا گیا۔

عالمی مشہور صوفی حضرت بابا فرید الدین گنج شکر مسعود رحمۃ اللہ علیہ کا 779 واں عرس مبارک پاکستان کے پاکپتن شریف میں منعقد کیا جارہا ہے۔ ایسے میں بھارت کے اجمیر شریف میں بھی بابا فرید کے دادا پیر حضرت خواجہ غریب نواز رحمتہ اللہ علیہ کی درگاہ میں بابا فرید کا چلہ شریف بھی زائرین کے لئے کھولا گیا ہے۔

حضرت خواجہ غریب نواز رحمتہ اللہ علیہ کی مزار مبارک کے نزدیک زمین دوز اس چلہ مبارک کی حاضری کے لئے عقیدت مندوں کی لمبی لائنیں لگ جاتی ہے۔ خادموں کی جانب سے زائرین کو زیارت کرائی جاتی ہے اور بابا فرید کے چلا شریف میں سال بھر رکھیں شکر کو تبرک کے طور پر دی جاتی ہے۔

بابا فرید حضرت قطب الدین بختیار کاکی رحمۃ اللہ علیہ کے مرید ہیں۔ اجمیر شریف میں بابا فرید نے اپنے دادا پیر حضرت خواجہ غریب نواز رحمۃ اللہ علیہ کے دربار میں چالیس روز کا چلا کیا تھا اور اللہ کی رضا حاصل کی تھی۔ یہی وجہ ہے کہ ہر سال محرم کی چار تاریخ کو بہتر گھنٹوں کے لیے چلا شریف کھولا جاتا ہے، رواں برس 779 واں عرس مبارک کی رسم ادا کی جارہی ہے۔

محرم کو بابا فرید کے عرس کے موقع پر عقیدت مند نظر و نیاز دلاتے ہیں اور اپنی زندگی میں خوشیوں کی دعا کرتے ہیں