اجمیر میں پھنسے زائرین کی حکومت سے درخواست

ریاست راجستھان کے اجمیر شہر میں پھنسے چار ہزار زائرین نے حکومت سے درخواست کی ہے کہ انہیں جلد از جلد گھر بھیجنے کا انتظام کیا جائے۔

اجمیر میں پھنسے سبھی زائرین اپنی ریاستی حکومت اور راجستھان کے وزیر اعلی اشوک گہلوت سے درخواست کی ہے کہ انہیں گھر بھیجنے کے لیے حکومت جلد از جلد کوئی اقدم کرے۔ زائرین میں چھوٹے بچے بھی ہیں جنہیں اب کئی قسم کی دشواریوں کا سامنا ہے۔

اس سلسلے میں اجمیر کی مختلف تنظیموں نے وزیر اعلیٰ اشوک گہلوت کو خط لکھ کر انہیں جلد ان کے گھر بھیجنے کی درخواست کی ہے۔ یہی وجہ ہے کہ اب وزیر اعلی اشوک گہلوت نے دوسری ریاستوں کے مزدوروں اور مہمانوں کو ان کے گھر بھیجنے کی پلاننگ کی ہے۔

اس کے لیے ہیلپ لائن نمبر اور آن لائن فارم بھروائے جارہے ہیں جس کی بنیاد پر ملک کی مختلف ریاستوں سے بات چیت کرکے انہیں بھیجنے کے انتظام کیا جارہا ہے۔ راجستھان کے وزیر اعلی کی اس کوشش سے اجمیر میں پھنسے چار ہزار زائرین پر امید ہے کہ وہ جلد ہی گھر پہنچ جائیں گے۔