راجستان مادھیامک شکشا بورڈ کے امتحان میں مسلم طلبہ کی حوصلہ افزائی کے لئے راجستھان کے اجمیر شریف میں آل انڈیا شیخ عباسی مہاسبھا نے اچھے نمبرات حاصل کر نے والے بچوں کا استقبال کیا ہے۔
بورڈ کے دسویں کلاس میں 97 فیصد نمبرات حاصل کرنے والی عباسی سماج کی عرشی عباسی کا استقبال کیا اور ان کے والدین کو مبارکباد دی۔
آل انڈیا شیخ عباسی مہاسبھا نے راجستھان بورڈ کے کامیاب طلبہ کو عزازیہ دیا مہاسبھا کے ضلع صدر شکیل عباسی نے بتایا کی ان کی برادری میں اجمیر سے عرشی عباسی اول درجے پر آئی ہے جس کی بدولت آج قوم کا نام روشن ہوا ہے۔
گیارہ لاکھ 52 ہزار 201 امیدواروں نے امتحان دیا تھا، جس میں 9 لاکھ 29 ہزار 45 طلبہ امتحان میں کامیاب ہوئے۔ رواں برس10 وی بورڈ میں امتحان کا نتیجہ 80.63 فیصد رہا جو گزشتہ برس کے مقابلے ایک فیصد زیادہ ہے جس میں لڑکیوں کا 80.41 فیصد نتیجہ رہا تو لڑکوں کا 79.99 فیصد ہی رہا ہے۔
