پنجاب کانگریس رہنما کی خواجہ کے دربار میں حاضری

پنجاب کانگریس پارٹی کے رہنما نوتیج سنگھ چیمہ نے اپنے اہل خانے کے ساتھ اجمیر شریف درگاہ پہنچے، اور خواجہ معین الدین چشتی کی درگاہ پر چادر پوشی کی، اور ملک کی تعمیر وترقی کے لیے دعائیں مانگی۔

چیمہ نے صحافیوں سے بات چیت کرتے ہوئے ملک کی موجودہ حالات پر گفتگو کی اور کہا کہ 'مودی حکومت کی سیاست سے ملک اب بلند ترین ترقی سے زمینی سطح پر پہنچ گیا ہے'۔

اس کے علاوہ انہوں نے کہا کہ 'بی جے پی نفرت کی سیاست کرتی ہے اور آج ملک کے حالات 'این آر سی' اور 'سی اے اے' کو لے کر بد سے بدتر ہوتے جا رہے ہیں'۔

انہوں نے مزید کہا کہ سابق وزیراعظم منموہن سنگھ کے زمانے میں دنیا بھر میں کمزور کساد بازاری میں بھی بھارت میں خوشحالی تھی آج مودی حکومت میں سارا بازار ختم ہوچکا ہے
اپنے قریبی رشتہ دار اور سخت حفاظتی انتظام کے درمیان چیمہ نے درگاہ زیارت کے بعد انجمن دفتر میں بھی جاکر خداموں سے ملاقات کی جہاں درگاہ کی جانب سے ان کی دستار بندی ہوئی اور تبرک نظر کیا گیا۔