ایس ڈی پی آئی کا عصمت دری کے خاطیوں کو سزا دلانے کا مطالبہ

اترپردیش کے ہاتھرس میں گذشتہ دنوں پیش آئے جنسی زیادتی اور قتل معاملے کے خلاف آج پورا ملک سڑکوں پر نظر آ رہا ہے، اسی ضمن میں شوشل ڈیموکریٹک پارٹی آف انڈیا نے احمدآباد کے کلکٹر کو میمورنڈم سونپا اور انصاف کا مطالبہ کیا۔

ریاست گجرات کے ضلع احمدآباد میں شوشل ڈیموکریٹک پارٹی آف انڈیا کے صدر امجد خان نے بتایا کہ' ہاتھرس میں جو جنسی زیادتی کا معاملہ سامنے آیا وہ بے حد دردناک اور افسوسناک ہے'۔

انہوں نے کہاکہ'ایس ڈی پی آئی متاثرہ فیملی کو انصاف دلانے کے لیے کھڑی ہے اس معاملے پر ہم نے احتجاجی مظاہرہ بھی کیا تھا اور انصاف کی مانگ کی تھی۔

انہوں نے مزید کہاکہ' آج ہم نے گجرات میں جو وکیلوں کے قتل کے معاملے سامنے آے اور ملک میں جس طرح سے لا اینڈ آرڈر پر حملہ کیا جارہا ہے بچیوں کی عصمت دری کے معاملے بڑھتے جا رہے ہیں بیٹیاں محفوظ نہیں ہیں اقلیتوں پر ستم ڈھائے جا رہے ہیں ان پر روک لگانے کے لیے کلکٹر کو میمورنڈم سونپا۔