وزیراعظم مودی کے لیے احمدآباد کی مسلم خواتین کی راکھی

ملک بھر میں 22 اگست کو رکشا بندھن کا تہوار منایا جائے گا ایسے می‍ں احمدآباد کے جمال پور علاقے میں رہنے والی مسلم خواتین نے وزیراعظم نریندر مودی کے لیے چاندی کی راکھی تیار کی ہے اور وزیراعظم نریندر کا ایک مجسمہ بھی بنایا جس کے ہاتھوں پر راکھی کو باندھا جائے گا۔

اس تعلق سے مسلم خواتین نے ای ٹی وی بھارت کی نمائندہ سے بات کرتے ہوئے بتایا کہ گزشتہ 7 برسوں سے احمدآباد کے جمالپور سے ہم وزیراعظم نریندرمودی کو راکھی بھیج رہے ہیں۔ نریندر مودی جب گجرات کے وزیراعلیٰ تھے تب بھی انہیں رکشا بندھن کے موقع پر مسلم خواتین کی جانب سے راکھی بھیجی جاتی تھی۔

وزیراعظم مودی کے لیے احمدآباد کی مسلم خواتین کی راکھی

احمدآباد کی مسلم خواتین نے بناءی وزیراعظم نریندر کے لیے راکھی

انہوں نے کہا کہ اس سال ہم نے چاندی کی راکھی بنائی ہے۔ اس راکھی کو ہم رکشا بندھن کے موقع پر وزیراعظم نریندر مودی کو بذریعہ کوریئر بھیجیں گے۔ وزیراعظم ہم سب کے بھائی ہیں اور وہ ملک کےلیے بہتر کام کررہے ہیں جبکہ ہم ان سے ملنا چاہتے ہیں۔

ان خواتین کا کہنا ہے کہ وہ، وزیراعظم نریندر مودی سے مل کر ان کے ہاتھ پر راکھی باندھنا چاہتی ہیں لیکن یہ ممکن نہیں ہے، اسی لیے ہم نے مودی کا اسٹیچیو بنایا ہے اور اس مجسمہ کے ہاتھ پر ہم راکھی باندھیں گے۔ اب دیکھنا یہ ہے کہ ان مسلم خواتین کا وزیراعظم نریندر مودی سے ملاقات کرنے کا خواب کب پورا ہوتا ہے۔