پیرمحمد شاہ لائبریری پرلاک ڈاون کا اثر

لاک ڈاؤن کی وجہ سے احمدآباد میں واقع پیر محمد شاہ لائیبریری بند رہی تھی۔ اب اسے عوام کے لیے کھول دیا گیا ہے۔

کورونا وائرس سے نمٹنے کے لئے نافذ کردہ لاک ڈاؤن نے ہر شعبہ اور ہر تعلیمی اداروں کو بھی متاثر کیا ہے۔ اس دوران احمدآباد کی تاریخی اور سب سے قدیم و معروف پیر محمد شاہ لائیبریری اینڈ ریسرچ سینٹر پر لاک ڈاؤن کا گہرا اثر دیکھنے کو ملا۔ جس کی پوری عکاسی اس لائبریری کے ڈائریکٹر پروفیسر محی الدین بومبے والا نے ای ٹی وی بھارت کے نمائندہ سے کی۔

احمدآباد کی پیر محمد شاہ لائیبریری اینڈ ریسرچ سینٹر حضرت پیر محمد شاہ درگاہ کا حصہ ہے جہاں سے بڑی تعداد میں ہمیشہ قارئین، طلبا، پروفیسرز، ٹیچرز،ریسرش اسکالر، اور صحافی آکر اپنے من پسند کتابیں پڑھتے اور گھر لے جاتے ہیں۔ اس لائبریری میں اردو کی سب سے قدیم کتابیں، مخطوطات اور قدیم دستاویزات موجود ہیں۔ یہ گجرات کی سب سے بڑی اردو لائبریری ہے۔ لیکن لاک ڈاؤن کے دوران یہ لائبریری بھی بند تھی جو آج سے ان لاک 4 کی گائیڈ لائن کے مطابق دوبارہ کھلی ہے۔

اس تعلق سے پیر محمد شاہ لائیبریری کے ڈائریکٹر پروفیسر محی الدین بومبے والا نے کہا کہ لاک ڈاؤن کے دوران حکومت کی گائیڈ پر عمل کرتے ہوئے اس لائبریری کو بند کر دیا گیا تھا لیکن ریسرچ اسکالرس اور قارئین کی ڈیمانڈ پر ہم آن لائن تمام طرح کی کتابیں اور معلومات ان تک پہنچا رہے تھے۔ اس دوران کتابیں بھی فروخت ہو رہی تھیں۔

انہوں نے مزید کہا کہ ہماری لائبریری چونکہ درگاہ کا حصہ ہے اس لیے جب تک باقاعدگی سے درگاہ کو کھولنے کی اجازت نہیں ملے گی۔ تب تک پوری طرح ہماری لائبریری میں بھی قارئین نہیں آ سکیں گے۔ لیکن ہمیں خوشی ہے کہ اب لائبریری کو کھولنے کی اجازت دی گئی ہے اور ہم پورے شوشیل ڈیسٹنسنگ اور کورونا کی گائیڈ لائن پر عمل کرتے ہوئے یہاں کام کر رہے ہیں۔

تو وہیں لائبریری کھلتے ہی ایک کتاب حاصل کرنے پہنچے شوکت نے کہا کہ میں ہمیشہ سے یہاں کتابیں پڑھنے اور کتاب لینے یہاں آتے تھے لاک ڈاؤن آنے کا موقع نہیں ملا تو ہم پریشان تھے لیکن آج بہت خوشی ہو رہی ہے کہ ایک بار ہماری من پسند کتابیں حاصلِ کرنے کے لیے لائبریری کھول دی گئی ہے اور ہم دوبارہ یہاں سے فیض حاصل کرنے پہنچے ہیں۔