احمد آباد کے لوگوں نے مطالبہ کیا کہ مذہب کی بنیاد پر دیے جانے والے شہریت ترمیمی قانون کو نامنظور کیا جائے۔ اس موقع پر پندرہ سو سے زائد لوگوں نے حصہ لے کر ایک لمبی انسانی زنجیر بنائی۔ ان کے ہاتھوں میں ملک کا جھنڈا اور لبوں پر انقلاب زندہ باد کے نعرے تھے۔
اس موقع پر مظاہرین نے کہا کہ ہمیں این آر سی، این پی آر اور سی اے اے سے آزادی چاہیے کیونکہ یہ ملک کو توڑنے والا قانون ہے۔ اس سے ہمارے آئین کا قتل کیا جا رہا ہے۔ اسے ہم ہرگز برداشت نہیں کریں گے۔ اس موقع پر مظاہرین نے یہ بھی کہا کہ آج گاندھی جی کی یوم شہادت ہے، اسی لیے ہم نے انسانی زنجیر بناکر کر سی اے اے اور این آر سی کے خلاف احتجاجی مظاہرہ کیا کیونکہ آج گاندھی جی کے اصولوں کا قتل کیا جا رہا ہے اور ہمارے آئین کو بھی نقصان پہنچایا جارہا ہے۔
اس احتجاج میں بڑی تعداد میں مسلم خواتین نے حصہ لے کر سی اے اے کو واپس لینے کا مطالبہ کیا۔ اس موقع پر انسانی زنجیر میں حصہ لینے والے مظاہرین سے ای ٹی وی نمائندہ روشن آرا نے خصوصی بات چیت کی۔