سابرمتی سینٹرل جیل سے رہاہوئے ہاردک پٹیل دوبارہ گرفتار

ضمانت ملنے کے بعد رہا ہوئے ہاردک پٹیل کو دوبارہ ایک معاملے کے تحت جیل میں داخل کیا گیا، انہیں پھر سے عدالت میں پیش کیا جا ئیگا۔

ریاست گجرات کے شہر احمدآباد کی ایک عدالت نے ملک سے غداری معاملے پر غیر ضمانتی وارنٹ جاری ہونے کے بعد چھ روز قبل گرفتار کیے گئے 'ریزرویشن تحریک کمیٹی' کے سابق کنوینر ہاردک پٹیل کو ضمانت پر رہا کرنے کا اعلان کیا تھا۔

ضمانت پر رہا ہورہے ہارڈک پٹیل کو دو بارہ انتظامیہ کے حکم نامے کی خلاف ورزی سے متعلق ایک دوسرے معاملے پر فورا گرفتار کر لیا گیا۔

پولیس نے بتایا کہ گاندھی نگر کے مانسا شہر میں دو سال قبل ہوئی ایک ریلی کے سلسلے میں انہیں دوبارہ گرفتا کیا گیا ہے۔ انھیں عدالت میں پیش کیا جائے گا۔