گجرات میں کورونا کے متاثرین کی تعداد 53 ہوئی

گجرات میں کورونا وائرس کی حالات روز بروز خراب ہوتے جارہے ہیں اور ہر روز متاثرین کی تعداد میں اضافہ ہوتا جارہا ہے، گجرات میں کورونا متاثرین کی تعداد 53 کو پہنچ گئی ہے جبکہ 3 افراد کی کوروناوائرس کے سبب موت ہو چکی ہے کل شام سے اب تک چھ نئے مثبت کیسز درج کیے گئے ہیں.

ریاستی محکمہ سیکریٹری کی پرنسپل جینتی راوی کے مطابق گجرات کے ان اضلاع میں کورونا کے کیسز پائے گئے ہیں۔ احمدآباد میں 15، سورت میں سات، راجکوٹ میں نو، وڈودرا میں نو، گاندھی نگر میں سات، کچَھ میں ایک جبکہ بھاؤنگر میں ایک کیس درج کیے گئے ہیں۔

واضح رہے کہ 20 ہزار لوگوں کو گجرات میں کورینٹائن میں رکھا گیا ہے جس میں سے 575 افراد سرکاری جبکہ 19 ہزار 300افراد کو ہوم کورینٹائن میں رکھا گیا ہے، اس کے علاوہ 236 افراد کے خلاف کورینٹائن کی خلاف ورزی کرنے کی پاداش میں مقدمہ درج کیا گیا ہے۔