احمد آباد: اسمبلی نشستوں پر ضمنی انتخابات ملتوی ہونے کا امکان

الیکشن کمیشن آف انڈیا نے کہا کہ 29 ستمبر کو اہم میٹنگ منعقد ہوگئی جس میں یہ فیصلہ لیا جائے گا کہ آیا گجرات کے ان آٹھ اسمبلی نشستوں پر ضمنی انتخابات کرنا ہے یا نہیں۔

الیکشن کمیشن آف انڈیا نے آج بہار اسمبلی انتخابات کی تاریخوں کا اعلان کردیا لیکن گجرات کے آٹھ اسمبلی نشستوں پر ہونے والے ضمنی انتخابات کی تاریخوں کا اعلان نہیں کیا گیا۔ جس کے بعد یہ قیاس آرئیاں کی جارہی ہے کہ کیا کورونا کے بحران کے دوران گجرات کی ان 8 نشستوں پر فی الحال ضمنی انتخابات نہیں ہوں گے؟۔

دراصل بہار اسمبلی انتخابات کے تعلق سے الیکشن کمیشن کے چیف الیکشن کمشنر سنل اروڑا نے ایک پریس کانفرنس کے دوران بہار انتخابات کی تاریخوں کا اعلان کیا۔ اس موقعے پر انہوں نے کہا کہ گجرات کے آٹھ نشستوں ہونے والے ضمنی انتخابات کا فی الحال کوئی ارادہ نہیں ہے۔ لیکن 29 ستمبر اس سلسلے میں ایک اہم میٹنگ منعقد ہوگئی جس میں یہ فیصلہ لیا جائے گا کہ آیا گجرات کے ان آٹھ اسمبلی نشستوں پر ضمنی انتخابات کرنا ہے یا نہیں۔ میٹنگ کے بعد ہی اس پر حتمی فیصلہ لیا جائے گا۔'

واضح رہے کہ گجرات اسمبلی کی 8 نشستوں میں کپراڈا، ڈانگ، لمڈی، گرڈا، دھاری، موربی، کرجن،ابڈاسا، کی خالی سیٹوں پر انتخاب ہونا ہے ہیں کیونکہ گجرات کی راجیہ سبھا الیکشن کے دوران کانگریس کے 8 اراکین اسمبلی نے استعفی دے دیا تھا اور اب ان تمام سیٹوں پر انتخابات کرانا ہے۔

اس موقعے پر چیف الیکشن کمشنر سنیل اروڑا نے ایک پریس کانفرس سے خطاب کرتے ہوئے کہا کہ عالمی وبا کورونا کی جہ سے بہار اسمبلی انتخابات عام انتخابات سے قدر مختلف ہوں گے۔ دنیا میں تقریباً 70 سے زائد ممالک نے اپنے انتخابات کو ملتوی کردیا ہے لیکن بھارتی الیکشن کمیشن نے احتیاطی تدابیر اختیار کرتے ہوئے انتخابات منعقد کرنے کا فیصلہ کیا ہے۔